离开罗马後，摩连奴处於无业状态，近日接受里奥费迪南电视访问，被问到重返曼联执教嘅传闻，「寸王」用3个单字回应，就系「not from me」(唔系我讲嘅)。

传闻话，摩连奴同身边人透露，佢喺曼联有「未完成嘅事」，对於呢个传闻，摩连奴以4个单字回答：「不、不、不、不。」佢进一步解释，当年喺曼联无法建立一支成功球队，系因为得唔到会方支持，

摩dad以搬新屋做比喻：「好似搬新屋咁，最先做嘅系打扫，然後买新家俬，曼联并未按照我意思去清除垃圾，我想喺第2季大扫除，但基於不同原因，我做唔到。」

2017/18球季曼联落後曼城19分得第2名，摩连奴曾表示该季攞英超亚军系佢生涯最大成就之一，佢到依家仲系咁认为：「我真系咁谂，冇人比我做得更好，如果曼城因为财务违规被褫夺冠军，曼联将会成为该季冠军。」