今晚英超独脚戏，榜首利物浦主场迎战卢顿。红军虽然气势如虹，但嚟紧有英联盃决赛後顾，遇上防守欠稳嘅卢顿，必想初段尽快锁定胜局，等主力下半场抖抖，为决赛做准备，半场主胜冇肉食，转捧1.5球嘅半场大。（Now 621周四凌晨3时30分直播）

利物浦受主帅高普早前提早宣布季尾离任消息刺激，众将都开行Turbo系咁冲，各项赛事近11场赢9场，只系输过畀阿仙奴，依家位居联赛榜首，气势如虹。最重要系王牌穆罕默德沙拿及时康复，上场大胜宾福特4比1後备落场，未上力都交出入波兼助攻，尽显卡士。考虑到近期咁多伤兵，高普对一班主力都要锡住嚟用，加上嚟紧周日英联盃决赛要硬撼车路士，系剑指4冠嘅首关，今仗梗系想速战速决，上半场入多几粒，锁定胜局巩固「1哥」位置，易边後可以畀主力早啲休息，预计一开波即抢攻。

另边厢，位处下游嘅卢顿要为护级抢分，虽然实力平庸，但胜在斗心极强，往往都敢於同对手斗攻，不过咁样亦暴露咗其防守漏洞，各项赛事近4场录1胜1和2负，场场有波入，同时失咗9粒，全部半场开2球或以上，包括上场对曼联开波冇耐就失2球，最终输1比2，可见初段防守唔够集中，半场大不容错过。