德国国家队近年成绩差，领队拿高斯文透露有意邀请却奥斯重返球队帮手，呢位34岁皇马中场周四（22日）於社交媒体正式宣布，下月再次为「日耳曼兵团」上阵。

却奥斯喺上届欧国盃结束之後，宣布退出国家队，佢近日被传媒问到有冇打算「出山」时，就话：「有呢种可能性，我正在考虑，但仲未有决定。」。而本尊周四於个人IG宣布落实3月重返「日耳曼兵团」，点解？佢话因为主帅拿高斯文搵佢，佢又有兴趣，就系咁简单。

德国《图片报》指却奥斯之所以有意重返国家队，最大原因系今届欧国盃决赛周将於德国举行，佢对於能够喺自己国家踢呢项大赛，深感兴趣。德国将於3月24日凌晨出战热身赛对法国，3日之後对荷兰，到时有却奥斯助阵，希望可稳定军心。