欧霸盃淘汰圈附加赛次回合，马赛主场硬撼萨克达。马赛啱啱怒炒加度素，但搵来黑仔教头加锡接手，随时衰多两钱重，萨克达首回合末段逼和2比2，韧力十足，趁马赛立立乱可反客为主，受让必捧让球客胜。（Now 644周五凌晨4时直播）

马赛今季可谓一片混乱，由於喺欧联外围赛出局，高层季初急急请马些连奴食「无情鸡」，随後由加度素上任。佢亦曾经历一段蜜月期，上年11月尾至12月头试过4连胜，点知稍稍不顺就弃用３５２阵式，近期转用４４２阵式效果差劲，但佢冇料扮四条，唔系话球员唔够投入，就称球队缺乏领袖，总之成绩唔好唔关佢事，卸得就卸，最终领军24仗只得9胜，单计近7仗法定时间5和2负未赢过，梗系冇得留低。

最离奇系马赛炒咗呢位前ＡＣ米兰悍将後，竟然搵加锡接手，个名系咪有啲熟呢，佢就系早前率领科特迪瓦出战非国盃嘅领队，不过喺头3场分组赛只得1胜2负，仅仅获其中一支最佳第3名晋级，因此分组赛打完即被解雇，但更估唔到系代替佢嘅化尔，竟然一路过关斩将夺冠而回，你话加锡系咪黑到冇朋友呢，要佢带领马赛拨乱反正？好难喇。

睇番首回合过程，马赛虽於末段建功领先2比1，不过萨克达未有放弃，最终补时逼和2比2，尽显斗心。事实上，呢支乌克兰球队今届欧洲赛表现唔差，佢哋之前喺欧联H组6战获3胜3负，包括赢过巴塞隆拿，斗到尾轮落败跌落第3位，先至转战欧霸，加上马赛有後衞李安纳度巴拿迪坐波监，萨克达可乘虚而入，仲有得受让咪错过。