波图喺欧联16强被阿仙奴踢出局，教练沙治奥干斯卡奥赛後劲唔忿气，指波图先系应该出线嗰队。葡萄牙教练指责阿仙奴领队阿迪达在比赛中侮辱了他死去的亲戚，但英国媒体发现，干斯卡奥近年来在欧罗巴联赛输给英超球队后，他抱怨被另一位教练侮辱，杜曹和他的哥哥迪奥纳也受到了同样的指控。

干斯卡奥执教波图7年，曾经2次带领球队杀入欧联8强，今次出局後佢深深不忿：「战果好唔公平，波图应该出线。阿迪达喺比赛期间，曾经对後备席用西班牙文侮辱我屋企人，而佢讲嗰个人已经唔喺度，阿迪达应该专心教好佢队波。」阿仙奴随後官方否认干斯卡奥嘅指控。

英国传媒发现，干斯卡奥嘅指控「熟口熟面」，原来20/21球季欧联分组赛，波图输畀曼城後，干斯卡奥曾激烈批评哥迪奥拿：「喺向球证施压、攻击对手方面，我有好多嘢要向哥帅学习，同佢哋相比波图系天使。哥迪奥拿用好丑陋嘅字句侮辱我嘅国家，佢嘅态度极差。」

波图喺同一季欧联8强被车路士淘汰後，干斯卡奥又向车路士领队杜曹开火：「我畀呢个人侮辱，我嘅英文唔算系完美，亦冇同杜曹闹交，唔明点解佢咁嘅反应。我听到佢讲侮辱性嘅字句，而且系好差嘅字句。」车路士当时亦否认有关指控。