周四凌晨国际热身赛，丹麦喺主场迎战瑞典，两支北欧球队风格接近，虽然瑞典冇份踢嚟紧嘅欧国盃，不过丹麦亦系试阵为主，预料双方都会贯彻稳阵作风，今仗入球机会唔会太多，博2.5球嘅入球细系最佳选择。（周四凌晨1时开赛）

丹麦已确定26人名单，些路迪中场奥列尼同般尼茅夫中场菲腊标宁争议性落选，领队贺文特会作出试阵，海伦、基斯甸艾历臣等主力唔会踢足全场。丹麦向来踢法稳阵，佢哋上一次喺主场热身赛失波，已经系7年前嘅事，之前11次主场热身赛都冇失球，相当夸张。

瑞典今仗阵容不整，最大损失系葡超神射手基奥基尼斯因伤缺阵，佢啱啱做完膝头手术要抖几个星期，令球队火力大打折扣。两支北欧兵踢法都系稳阵为先，近3次交锋总入球全开2球或以下，今场再开入球细机会高。