热刺官方宣布，法国门将洛里斯动笔续约2年，将继续留队至2024年6月，一直担心佢会离队嘅干地亦可松一口气！

35岁嘅洛里斯2012年加盟热刺，至今刚满10年，亦系球队队长，期间为球队上阵395场，其中112场保持不失球，最佳成绩系2018至19年度打入欧联决赛，最後不敌利物浦得亚军，不过佢喺国家队成就斐然，协助法国队赢得2018世盃冠军及去年欧国联冠军。

之前佢同热刺合约於今夏到期，一直有传闻佢同热刺续约唔顺利，打算约满离队，曾执教热刺、现任罗马主帅摩连奴曾向佢挖角，嚟到1月转会窗，消息指洛迪斯愿意续约，主帅干地嘅挽留系重要因素。