周一(24日)清晨德甲赛事，拜仁慕尼黑作客4比1大炒哈化柏林，比赛几乎变成拜仁慕尼黑嘅射门练习，呢支德甲「1哥」录得19次嘅命中方针埋门，系Opta有纪录以嚟德甲最高纪录，只系入得4球已经算赢得少。

拜仁慕尼黑今场操控战局，哥伦天杜利素25分钟先开纪录，汤马士梅拿完半场前再入1球；下半场拜仁再有利莱辛尼同基拿比各建一功，主队喺80分钟破蛋都要输1比4。拜仁今场有28次攻门，其中19次命中方针，系Opta自04/05球季作出详细计算後嘅德甲纪录。

哈化柏林门将舒禾路今场虽然有犯错累失波，但全场屡救险球系球队冇被狂数主因，汤马士梅拿赛後亦讲笑话：「舒禾路对手套有磁石，我要恭喜哈化柏林嘅配备员，佢预备呢对手套预备得好好！」