今晚非国盃16强焦点战，有塞内加尔火并佛得角。塞内加尔坐拥利物浦射手沙迪奥文尼，竟於今届分组赛入得1粒，攻力疲弱，面对死守嘅佛得角，随时陷於胶着，半场和值得再追。（Now 638周三凌晨零时直播）

塞内加尔作为非国盃当中世界排名最高嘅球队，又有沙迪奥文尼、艾度亚文迪、高耶迪等英超兵助阵，被视为夺标热门之一，但开打前爆出多名球员确诊，喺B组首轮去到补时靠文尼操刀12码建功，先至险胜津巴布韦1比0，其後对住畿内亚同马拉维均互交白卷，虽然攞到首名出线，但3战入得1粒，仲要系12码，攻力确系差强人意。

不过，塞内加尔攻力不济，亦与战术保守有关，呢3仗佢哋都冇失波，系今届非国盃至今唯一仍保持清白之身嘅球队，随住钢门艾度亚文迪已康复把关，令防守固若金汤。加上踏入淘汰赛阶段，塞军亦唔敢太过进取。

另一边厢，佛得角於A组取得1胜1和1负，成为其中1支最佳第3名晋级，查实佢哋同次席布基纳法索同分，只因对赛输畀佢哋而跌落第3，不过佛军3战只失2球，包括逼和东道主喀麦隆1比1，证明佢哋都系防守大过天。塞内加尔每逢遇上死守球队，特别系初段大家都有气有力之下，经常咬唔入对手，今届3战全部上半场未分高下，半场和不妨追多铺。