之前讲过今个冬窗好安静，大交易唔多，传统豪门皇家马德里愈加索性躺平，既无增兵动作，亦冇人归队，任得其他对手买人，例如西甲第2嘅西维尔借入安东尼马迪尔，皇马一於少理，乜都唔搞！

皇马阵型唔算完美，但喺安察洛堤调教下，队波运作畅顺，即便早前遇上疫情同伤兵潮，一样安然度过，依家排西甲榜首，欧联同西盃亦晋级，早排仲捧咗西超盃，保持现状持续赢波就得，唔使搞咁多嘢。

西班牙传媒报道，「肥安」对於球员去留保持佛系情绪，即系咁，假如球员想归队，请随便，唔会挽留。尚余半年合约嘅球员计有马些路、加里夫巴利、艾斯高，但佢哋冇人提出归队，皇马亦唔会迫佢哋走。

有音讯指阿仙奴曾提出斟介卢卡祖域，皇马未收到正式报价，所以不作回应，而卢卡祖域本人亦唔想归队。