多蒙特周一（7日）公布一单惊人转会消息！拜仁慕尼黑後衞历卡斯苏尼今夏将自由身加盟，成为「黄黑军团」近年罕有从拜仁阵中挖角过嚟嘅球员。

历卡斯苏尼原本同拜仁慕尼黑嘅合约去到今年夏天就完，但就迟迟未能就续约同球队达成共识，据闻佢亦曾经同曼联、车路士扯上关系。但最终呢位26岁後防球员，竟然决定直接转投拜仁嘅国内死敌，并与多蒙特签约4年，成为近年罕有由拜仁被挖角过去多蒙特嘅球员。

多蒙特名宿基尔亦对呢单转会表示欢迎：「苏尼喺会谈中展示佢非常有兴趣加盟多蒙特，佢有丰富经验同必须嘅身体条件。」历卡斯苏尼於2011年喺贺芬咸出道，2017年以2,000万欧元转会费转投拜仁慕尼黑，为球队赢过4次德甲、1次欧联冠军，今季共为球队披甲过26场，系常规主力球员。