今晚世冠盃上演王者战，车路士同彭美拉斯喺阿布扎比争冠。欧洲兵团系世冠盃大赢家，近8届全部捧盃，当中6次法定时间内分出胜负，车路士作为欧洲代表自然唔衰得，强阵出击下实力高彭美拉斯一班，可望延续传统，推介主胜。（周日凌晨零时30分开赛）

世冠盃虽然经过多次改革，加入不同洲份球队竞逐，但欧洲球队始终技高一筹。车路士喺冬窗并冇增兵，反映领队杜曹对现有班底应付下半季赛事充满信心。虽然4强战佢因确诊而缺阵，但只要最新检测冇问题，车仔就会安排私人飞机等佢立即飞去同球队会合，就算去唔成，备战程序依然会由呢名德国主帅主导。车仔喺英超被曼城抛离太远，下半季目标向各项盃赛进发，依家差一步就赢得世盃冠，当然会精锐尽出。

巴甲球队彭美拉斯上场以2比0淘汰艾阿里，表现其实一般，攻势太过集中於杜度及拉菲尔维加身上，车仔只要限制两人活动范围，彭美拉斯嘅威胁力肯定大减，加上近8届世冠盃决赛欧洲兵团全部捧盃，当中6次喺法定时间赢波，一於热捧车路士主胜封王。