周三日本波除咗有日联盃，仲有两场日职，其中川崎前锋主场迎战浦和红钻。两队早前喺日超盃交锋，浦和红钻於中立场赢2比0捧盃，川崎呢铺回师主场出击，大有复仇味道，不过佢哋近年交手甚少大手交易，吼实2.5球入球细。

连同日超盃，川崎前锋已4度上阵，除咗日超盃输波之外，前仗更以2比4不敌横滨水手，好彩上仗及时反弹，作客2比0净胜鹿岛鹿角，重现霸气，中锋知念庆连续两仗入波，後防表现亦有明显改善，状态同斗心都返晒嚟。

反观浦和红钻捧日超盃後，表现走晒样，近3场联赛1和2负，联赛仲未开斋，今仗再斗川崎前锋，会用番上次嘅防反踢法制敌，日超盃对前锋梅开二度嘅江阪任，将会继续披甲，但相信会受到前锋後衞严密看管，加上双方近4次碰头3次开2球或以下，入球细有计。