今晚日职独脚戏，神户胜利船喺主场迎战鹿岛鹿角。胜利船今季仍未打开胜利之门，除因老将多兼赛程频密，攻力疲弱亦系关键，加上佢哋有亚冠後顾，今场或有所保留。不过鹿角表现飘忽亦系信唔过，宁捧中位数2.5球嘅入球细。

（有线661及601台周五晚6时直播）

由於胜利船下周中要出战亚冠外围赛对墨尔本胜利，因此近期需要多踢联赛，至今已经出战咗5仗，但竟然只得3和2负未赢过，包括上仗有恩尼斯达先开纪录下，仍被广岛三箭逼和1比1，仲未打开胜利之门，沦落联赛下游。

事实上胜利船阵中老将偏多，喺频密赛程下，比赛节奏亦明显偏慢，但最大问题系攻力唔掂；三大前锋保赞、大迫勇也及武藤嘉纪「名气响、能力低」，至今合共入得1粒咁大把，难怪呢5仗胜利船仅入过3粒，总入球4次开2球或以下，武藤嘉纪更因伤上阵成疑，攻力进一步受削。

鹿角开季後各项赛事，4战取得2胜2负，唔算标青，其中近3仗开总入球2球或以下，包括上仗靠荒木辽太郎省中人改变方向嘅入波，先险胜柏雷素尔1比0，幸运成分居多，鹿角唔见得好过胜利船几多。当然胜利船下周中要打亚冠，今仗随时收起几位主力球员，何况双方近6次碰头，鹿角只得1胜，今仗作客预计唔敢冒进，不妨向入球细埋手。