西甲周一(14日)公布20支球队最新嘅「支出上限」，巴塞隆拿经过冬季转会窗大事增兵後，支出上限竟然由9,700万欧元暴跌至负1.44亿欧元，意味佢哋今个夏天想买人嘅话，一定要先搵到一大笔钱嚟「填氹」。

呢份「支出上限」表单入面，巴塞隆拿系唯一一支负数球队，不过根据西甲财政公平条例第100条，球队系可以喺「负数」开支上限之下继续做交易，但系比例为1比4，即系巴塞隆拿每赚4蚊，就可以花费1蚊。

盛传巴塞隆拿想喺夏天收购艾宁夏兰特，转会费连人工每年开支大约5,000万欧元，即系话巴塞隆拿要搵2亿欧元先可以负担得到，难度相当之高。不过，巴塞隆拿目前都有唔少「财路」，基沙文、菲腊比古天奴等都有望高价卖走，而且据报同Spotify亦差唔多达成球衣赞助同球场冠名权，总值高达2.8亿欧元。