据英国《每日邮报》报道，利物浦前锋奥历治准备以自由身转投AC米兰，正式结束8年「红军」生涯。

26岁嘅比利时前锋奥历治，2014年由里尔加盟「红军」，随後一季被借返里尔，2015年正式效力球队。虽然佢嘅入球产量不嬲唔高，但往往能够喺後备入替後射入关键入球，包括2018/19年欧联4强对巴塞隆拿嘅次回合赛事，以及同年对爱华顿嘅英超赛事等。佢嘅「幸运童子」本领更被球迷以戏言「没有奥历治，足球什麽也不是」来形容。

不过，奥历治嘅利物浦生涯可能到今年就画上句号。据英国《每日邮报》报道，同球队合约去到今年夏天就完嘅佢，正同AC米兰倾谈紧条件，假如一切顺利，呢位比利时前锋将自由身转战意甲。据悉，只要累积满一定上阵场数，奥历治就有条件同利物浦续约，但按照今季佢只系喺联赛後备上阵过5次嘅纪录，佢继续留低嘅机会睇嚟唔高。