英格兰周三(30日)喺热身赛主场3比0赢科特迪瓦，虽然过程赢得清脆，不过领队修夫基赛後仍非常愤怒，事关队长哈利马古尼全场不断被自家球迷狂嘘，修夫基直言呢种行为「不能接受」。

英格兰今仗继续试阵，一众新人同後备表现对办，奥尼屈坚斯30分钟接应史达宁传送先开纪录，史达宁完半场前再入1球，补时阶段泰朗明斯「埋斋」凑成3比0大捷。英格兰队长哈利马古尼今场成为无点，由赛前宣布出场阵容到比赛期间，呢位曼联中坚每次掂波都被主场球迷喝倒采。

修夫基赛後狠批「倒米」嘅球迷：「呢种行为系笑话，绝对系笑话！麦古尼着嘅系英格兰波衫，我哋唔单止应该支持国脚，仲要系一个一直喺国家队有杰出表现嘅球员，球迷应该全力支持佢，完全唔明白球迷点解咁做。马古尼今场表现无可挑剔，头2个入波佢都有功劳，球队绝对会保持团结。」