阿根廷着名射手阿古路因为心脏问题，上年12月宣布挂靴，但依家又改变主意，打算复出，并暗示将来有可能加盟由碧咸做班主嘅美职球队国际迈亚密。

33岁嘅阿古路接受传媒访问时话：「我脑海之中出现复出嘅想法，医生叫我必须休养5至6个月，但我依家已经想重新操练。」

呢位曾经效力曼城同巴塞隆拿嘅前锋仲话，之前曾经拒绝美职球队国际迈亚密：「国际迈亚密邀请过我加盟，但我拒绝咗，2年内会唔会加盟佢哋，大家拭目以待。」国际迈亚密近年签入多位老牌球星，包括前皇马射手希古恩、前阿仙奴左闸基兰基比斯等，阿古路去跟碧咸搵食并唔出奇。

另外，阿古路确认，自己将会跟随阿根廷国家队参加今届世界盃决赛周，佢将会担任联系球员及教练团工作。