祖奥菲历斯系「快枪手」 成马体会非卖品
2022-04-06 来源: 八一体育 点击
马德里体育会季尾状态大勇,欧联8强大战曼城前录得6连胜,呢支西甲劲旅突然复苏,葡萄牙前锋祖奥菲历斯嘅爆发成为最大原因。祖奥菲历斯近8次为马体会上阵入7球,当中更有5球系喺开波头12分钟内攻入,堪称系「快枪手」!
马体会上场联赛4比1大破艾拉维斯,入2球嘅祖奥菲历斯喺11分钟先开纪录,佢近8场7个入波当中,有5球系开波12分钟内攻入!对奥沙辛拿同卡迪斯都系开波3分钟入球,对贝迪斯更加2分钟就开纪录,加上上一圈欧联对曼联7分钟入波,呢5个早早开纪录嘅入球,令马体会可以大踢顺境波。
阿根廷籍教头施蒙尼表示,祖奥菲历斯依家状态系佢出道以嚟最高峰:「菲历斯不断进步,依家系佢从未有过嘅巅峰状态,佢非常享受足球,亦做足晒我希望佢做到嘅嘢。」早前有传马体会打算夏季出售祖奥菲历斯,不过西班牙媒体指呢位葡萄牙球星依家踢出水准,已成马体会嘅非卖品。
上一篇:柏迪玩到对手碌地 巴塞赢波上第2 | 下一篇:为说服麦巴比续约 PSG准备畀埋队长佢 |
相关阅读
- 05-24维拉利尔击败巴塞 抢欧协联资格
- 05-24肥安比高普有欧联冠军命?
- 05-19皇马好消息 防线支柱可复出踢欧联决赛
- 05-18谢谢你曾为马德里「竞技」 Luis Suárez
- 05-1839岁丹尼尔唔认老 将续约半年
- 05-16只撑了2天的欧洲超级联赛──金钱足球、英国政治
- 05-16华伦西亚买断天才新星 佢今季射爆3大劲旅
- 05-13只撑了2天的欧洲超级联赛──金钱足球、英国政治
更多>>精选阅读