上年苏斯克查被炒後，曼联最终揾嚟德国教头兰历克接手，而另一大热门干地就选择执教热刺。据报曼联决定唔请干地，背後全因为阵中球星C朗拿度嘅极力反对，如今干地带领热刺愈踢愈好，联赛排名甚至压过曼联，唔知管理层有冇後悔呢？

据《曼彻斯特晚报》报道，曼联管理层原本视52岁嘅干地，为苏斯克查嘅接班人，不过球队听从C朗拿度嘅意见後，最终决定打消依个念头；至於施丹一直都唔系曼联嘅目标，当时只系为左安抚C朗拿度而出现依个传闻，两位曾经喺皇家马德里合作，并三度赢得西甲同欧联冠军。

错过干地之後，有传阿积士教练坦哈格将会喺下季，顶替升任球队顾问嘅兰历克，成为曼联主教练，双方目前已达成口头协议，将会签下三年长约。