阿仙奴今季拎唔拎到欧联资格，夏天都势必大事增兵，据法国传媒报道，「兵工厂」睇中里昂嘅巴西中场卢卡斯柏基达，呢位获亨利称为「法甲最佳球员」嘅中场，转会费可能高达5,800万镑，而纽卡素同巴黎圣日耳门都喺竞争行列，想签佢都唔系易事。

法国传媒消息指，阿仙奴嘅巴西总监伊度，对卢卡斯柏基达非常欣赏，近几个星期已开始同佢进行接触，不过呢位巴西国脚同里昂合约去到2025年，转会费估计达5,800万镑。阿仙奴目前嘅中场增兵名单，仲有泰利文斯、鲁宾尼维斯等等。

阿仙奴名将亨利对卢卡斯柏基达亦有极高评价，佢今季曾形容呢位24岁中场系「法国最佳球员」：「柏基达嘅扭波、助攻梗系精彩，但最犀利系佢嘅全方位嘅无私踢法，佢唔似一般巴西球员，就算冇波在脚一样会笑住咁去为球队作出其他贡献，呢点先系最令人欣赏。