曼联首循环喺奥脱福主场吞利物浦5蛋，传奇领队费格逊睇到抖大气一幕成为经典，今次曼联作客晏菲路，结果吞4蛋完场，今次费Sir面色同样铁青，但已经冇咁多身体语言，至少冇抖大气，唔通佢都预咗？

报道指，今场双红会费爵爷都有捧场，入场时佢心情唔错，不时面露笑容，但甫开赛曼联即失守，佢嘅笑容亦逐渐消失。

战至23分钟，曼联落後0比2，电视镜头搵到费Sir，见佢面色铁青，好似好嬲咁，球迷见到呢位年过80岁老人家咁嘅样，纷纷留言：「请唔好再折磨呢位老人家啦，佢好可怜」「见佢咁样我心到碎了」。幸好今季两场双红会已经踢晒，费Sir暂时唔使再激气。