西甲球队维拉利尔事隔多年後，再闯入欧联4强，将会硬撼英超强敌利物浦，作为「黄色潜水艇」中场主力，曾效力阿仙奴多年嘅高基连，对红军绝不陌生，大战前夕，他接受访问时不忘先礼後兵，表达自己对对手嘅敬意，同时亦提到球队现时阵中不乏英超经验，有望成功球队取胜元素。

现年30岁的高基连，2018年转战西甲之前，曾喺阿仙奴效力近10年，对英超对手非常熟悉。维拉利尔早前成功淘汰德甲班霸拜仁慕尼黑，以奇兵姿态杀入欧联4强，面对强敌利物浦，相信赛前不少人都更愿意睇高红军一线，高基连亦表示非常欣赏红军嘅踢法：「利物浦系现时欧洲球坛，前场逼抢做得最好嘅一队，无论系助攻能力超强嘅两个闸，定系有力冲击金球奖嘅穆罕默德沙拿同沙迪奥文尼，好难喺佢哋身上搵到弱点。」

除咗高基连之外，现时「黄色潜水艇」阵中有唔少主力，包括柏利祖和卢施素等，都有过喺英超搵食嘅经验，呢位法国中场，就认为维拉利尔不只有西甲球队一贯嘅技术能力，仲有硬净嘅一面，能够帮助球队成功突围：「英超嘅高强度对抗性，系可以帮助球员成长，我哋有西班牙球队嘅踢法同技术之余，亦都好硬净。」