今日下昼澳职独脚戏，墨尔本胜利主场迎战威灵顿凤凰。仍有望打入前2嘅胜利，今季防守够硬净，呢场面对近况不俗嘅凤凰，胜利有地利都唔敢轻敌，战况随时陷入胶着，中位数2.5球入球细好路。

（myTV SUPER周五下午5时45分直播）

胜利嘅4月密集赛程即将嚟到尾声，喺常规赛余下两场嘅情况下，球队想冲击首名有一定难度，但打入联赛前2，并取得季後赛4强资格，绝对唔系冇可能。作为今季澳职常规赛失球数最少嘅球队，胜利进攻火力虽然称唔上系一流，但防守表现绝对有保证，而且球队联赛已经累积13场不败，其中近4仗主场有3次开2球或以下，有望靠稳阵嘅防线表现，继续抢分。

赛前排名第5嘅凤凰，系前半版球队之中失球数较多嘅一队，呢支新西兰球队要继续为保住季後赛席位而努力之余，亦要提防因为後防失误而输波。回顾往绩，胜利近3次联赛主场面对凤凰，全部开2球或以下，而且只系赢过1场，双方为免轻易失分，呢场未必会踢得太进取，中位数2.5球入球细值得留意。