今晚英冠榜首富咸主场对卢顿，富咸自锁定升班资格後揸流摊，相反卢顿仍要抢分保住前6嘅升班附加赛席位，决心更大，季尾波战意行先，卢顿受让一球，下盘捧得过。（有线662及602台周二凌晨零时15分直播）

富咸上月尾提前锁定直接升班资格，今季联赛轰入99粒，射手阿历山大米祖域就占咗41球，金靴应该冇走鸡。佢哋依家领先次席般尼茅夫5分，喺剩番两轮之下，今仗赢波就封王，咁多乐观因素似乎实食冇黐牙，但佢哋近期出现hea踢情况，近5仗赢得一场咁大把，不宜高估。

作客嘅卢顿状态唔曳，近8仗取得4胜3和仅1败，目前排第5位，踢少一场下领先第7位嘅米杜士堡两分，今仗都要抢分确保前6升班附加赛席位。睇番富咸近期失分赛事，既有当时未护级失败嘅打比郡，亦有争升班嘅森林同般尼茅夫，全部都系战意爆灯球队，加上近两次交手都和波，宁捧受让嘅卢顿。