「英伦兄弟帮」之一嘅李斯特城，则於欧协联4强次回合作客罗马。双方首回合1比1，喺上场联赛各自派副选上阵，明显为今场生死战留力，相信必有激战。既然「雌狼」近6场欧协联主场5次开3球或以上，捧2.5球嘅入球大仲着数。（Now 645周五凌晨3时直播）

意甲劲旅罗马今季喺「寸王」摩连奴领军下表现平稳，联赛暂时高踞第5位，有望拎到来季欧霸盃入场券。球队近3场联赛虽然未尝一胜，但对手大多属於前列分子，上场对博洛尼亚更收起咗唔少主力，一班球员叉足电下，主场出击相信会积极抢攻。另外「雌狼」欧协联主场表现进取，包括上圈4比0大胜波杜基林特，分组赛都曾经大炒索尔亚同索菲亚中央陆军，攻力绝对值得信赖。

李城首回合虽然占尽优势，但落後一球下，下半场要靠对方摆乌龙先可以追平。「狐狸」今季防守唔算太稳阵，当中33场英超失咗54球，上场联赛大败畀热刺之後，暂时只系处於中游位置，实力不宜高估。可幸嘅系首席射手占美华迪，早前正式伤愈复出，加上喺欧协联相当醒神嘅占士麦迪臣，今场有望可以偷鸡成功，预计系一场多波入赛事，大盘值博。