利物浦中场法宾奴喺上仗英超对阿士东维拉一役受伤，领队高普已经确认呢位巴西国脚将缺阵周六(14日)晚英足盃决赛对车路士，但高普同时透露，法宾奴可於香港时间5月29日凌晨欧联决赛复出对皇马，算系不幸之中嘅大幸。

高普话：「在此之前，我哋仲未系好清楚法宾奴嘅伤势情况，但依家可以讲，佢出战欧联决赛，绝对冇问题，法宾奴系1位好专业嘅球员，对於无缘英足盃决赛，难免会感到失望，佢现时正在同时间竞赛，准备欧联决赛上阵。」

除咗英足盃决赛之外，利物浦今季仲有2场英超，分别作客对修咸顿，主场对狼队，最後踢欧联决赛对皇马，法宾奴养伤期间，将由佐敦轩达臣顶替佢嘅正选位置。