曼联将於周日(22日)晚英超煞科战作客水晶宫，红魔鬼只要赢波，就可以取得下届欧霸盃资格，球队赛前收到好消息，3位主力拉舒福特、查顿辛祖、劳基梳尔都已经克服伤病复操，预料可以出战水晶宫，大大提升曼联胜算。

曼联上仗英超以0比4大败於白礼顿脚下，表现备受批评，当然唔想今季最後1场都输波，尤其系如果今场再失分，就可能被韦斯咸反超前，抢走第6位，一旦曼联跌至第7位，下季就只能踢欧协盃，候任主帅坦哈格早前已透露唔想红魔鬼踢欧协联，所以今仗英超胜负随时影响下季部署。

幸好拉舒福特、查顿辛祖、劳基梳尔近日已复操，其中翼锋查顿辛祖早前扁桃腺发炎，一度面临提早收咧，现时已康复，拉舒福特嘅支气管问题亦痊愈，2人复出可提升球队攻力。至於劳基梳尔上月初接受手术，移除右脚金属螺栓，已经缺阵一个半月，现时已冇大碍，曼联防线人脚终於齐整。