AC米兰喺意甲夺得冠军，伊巴谦莫域、基奥特等球星当然系主角，不过讲到真正嘅「人生赢家」，就非西班牙球星巴谦戴亚斯莫属，呢位中场依家只有22岁，但已经拎齐意甲、英超同西甲3大联赛冠军，认真犀利！

巴谦戴亚斯喺17/18球季，跟曼城拎到英超冠军，当时只得18岁嘅佢并非主力，但亦有5次英超上阵纪录；去到19/20球季，佢效力嘅皇家马德里又拎到西甲冠军，该季巴谦戴亚斯只上阵6场，但都有1个入波同1次助攻。

今季AC米兰重夺意甲冠军，巴谦戴亚斯就系球队绝对主力，踢咗31场联赛入3球。历史上只有C朗拿度同丹尼路雷斯试过包揽意甲、英超同西甲冠军，巴谦戴亚斯唔单止系史上第3人，仲系当中最年轻一个。