红黑军团时隔11年後再捧走意甲冠军，作为AC米兰殿堂级人物嘅马甸尼更是首次以总监身份见证历史，佢呢三年嘅付出更系功不可抹，同时佢嘅囝囝丹尼尔马甸尼亦系球队一份子，可谓双重意义。

「当然，我感到自豪。我之所以做总监只因为AC米兰，我退役时，完全无呢个计划；我放咗很多时间，亦尝试去了解同学习，等待适当嘅时刻，我的确很幸运。」现年53岁嘅马甸尼2018年重返球会，担任发展总监，跟住2019年升做技术总监，当中最重要嘅系当年以2000万欧元收购系皇马买入迪奥靴南迪斯，佢依家已经系AC米兰防线嘅中流砥柱。

「我哋拥有一支年轻嘅球队，好多球员都互相信任，而这三年来嘅其中一个秘密就是我哋跟球员听互相尊重，事情之所以发生，因为我哋一直有呢个计划及可靠嘅意见，呢啲就系我哋做总监嘅责任。」

意甲之後，马甸尼下一个目标放眼欧洲:「我哋好开心，而且要不停学，我系一个年青嘅总监，呢个系我第4个赛季，但唯一不变就系不停去学习，而且畀年轻一代更多机会同信任，佢哋系充满着能量，仲有进步空间，呢个就系我地再次征战欧洲嘅起点。」连同囝囝丹尼尔，马甸尼家族三代都为AC赢过锦标，相信都系一项历史，本身就已经系AC经典嘅马甸尼，球员时代先後7次为红黑军团夺冠，佢老窦施萨马甸尼亦为AC功臣，曾4夺意甲锦标，马甸尼家族合共赢过12次。