周三凌晨德国附加赛决战，特雷斯登主场迎战凯沙罗顿，首回合两队踢成0比0，双方势均力敌，今场决定性之战，预料会踢得更加谨慎，两支球队都属於守强攻弱类型，唔好预期会有好多攻势，博2.5球入球细最好路。（on.cc东网周三凌晨2时30分直播）

特雷斯登今季喺德乙排尾3，搞到要踢附加赛，不过球队防守能力其实唔差，全季只系失咗46球，比起德乙冠军史浩克04都系多两球，防线表现完全唔失礼。沦落到要踢附加赛，最大问题系入球能力极低，佢哋今季联赛只系攻入33球，平均每场入波唔够1球。

特雷斯登近7场主场赛事，有6仗总入球为2球或以下，就算喺主场出赛都冇乜进攻意慾，今仗好大机会玩「1球定胜负」。作客嘅凯沙罗顿以德丙季军身份出战，佢哋今季36战只系失27球，系联赛失球最少球队，同特雷斯登一样守优於攻，开2.5球入球细机会高。