阿仙奴继收购加比尔捷西斯之後，准备出手再签入另1位曼城球员辛真高，有望以3,500万镑成交。

现年25岁嘅辛真高已经效力曼城6年，原本佢希望留队，但由於长期屈居後，加上考虑到「蓝月亮」计划签入白礼顿左闸古古列拿，一旦成事，辛真高新一季上阵时间势必进一步减少，离队成为佢最佳选择。

阿仙奴主帅阿迪达一向非常欣赏辛真高，睇中呢位乌克兰国脚技术全面，可以胜任左闸同中场，所以早於5月已经提出收购佢。曼城领队哥迪奥拿已同意放人，预料可於短期之内成事。

另外，曼城中场菲尔科顿、根度简、中坚史东斯都无缘美国之旅热身赛，虽然会方冇公布原因，但可能同3人冇打齐新冠肺炎疫苗，无法入境美国有关。