曾经协助皇马夺得5次欧联冠军嘅马些路，今夏离开「银河舰队」之後，仲未有球会收留，意大利传媒指呢位34岁巴西後衞有可能去中超搵食。

马些路上季已沦为皇马後备，仅上阵18场，贡献6次助攻，结果不获续约，今夏约满黯然离队。虽然呢位左闸年纪唔细，但状态仍然不俗，而且只要求250万欧元年薪，可惜欧洲主流联赛球队都对佢冇兴趣。

据悉马些路好大机会去亚洲搵食，沙特阿拉伯、中国都可能系佢下一站落脚地，中超设有外援薪酬上限300万欧元年薪，应该可以满足马些路要求，现时有能力负担呢个人工嘅中超球会，不外乎上海海港、山东泰山、武汉三镇。

不过，沙特阿拉伯球会财力更雄厚，随时可能「截劫」签入马些路。