英冠首轮压轴大战，今季由英超降班嘅屈福特，将会主场迎战劲旅锡菲联，两队今季都以升班为目标，不过开季各自面对困难，今仗或会踢得较为保守。考虑到两军都有唔错嘅防守力，势均力敌下未必可以制造太多攻门，博2.5球嘅入球细好路。（有线601及661台周二凌晨3时直播）

屈福特上季喺英超排尾2降班，论人脚质素喺英冠属於超班，不过呢班球星亦因为级数太高，留喺英冠比赛机会唔大，好似伊斯美拿沙亚同艾曼纽丹尼斯两大星级前锋，目前盛传正同其他豪门斟介转会，就算可以上阵都未必有足够决心。屈福特今季长期作战阵容未明，战术亦难以维持，近4场热身赛就有3次交出白卷，锋力令人担心。

锡菲联上季排英冠第5位，可惜喺附加赛出局，首席射手比利沙柏喺附加赛受伤後直到最近先至康复，季初赛事唔会披甲，严重削弱锡菲联入球能力。不过锡菲联向来防守硬净，上季英冠平均每场失少於1球，而且锡菲联近4次对屈福特，有3次总入球开2球或以下，2.5球嘅细盘值得再追。