近期不断传出巴塞隆拿计划收购曼城中场贝拿度施华，「蓝月亮」领队哥迪奥拿原本拒绝出售呢位葡萄牙国脚，但依家态度软化，表示如果贝拿度施华想离队，就唔会阻止佢。

哥迪奥拿话：「我希望贝拿度施华留低，佢系1位好特别嘅球员，但我都唔知将来会发生咩事，佢留低当然最好，如果佢决定离开，亦冇办法，我从来都唔会阻住人。」

不过，哥迪奥拿透露会方仲未收到巴塞隆拿报价，如果曼城决定出售贝拿度施华，就会正式公布，有传曼城将呢位28岁中场标价为8,000万欧元。