曼联喺英超又输1场，後防差之余，踢2场比赛唯一入球，仲系靠对手摆乌龙，完全唔识入波，又点赢波呢，所以不断传出红魔鬼要签入前锋，据悉曼联会方已经联络「性感人妻」Wanda Nara，希望邀请佢效力巴黎圣日耳门嘅老公莫路伊卡迪加盟。

Wanda Nara除咗系莫路伊卡迪老婆，仲系呢名现年29岁前锋嘅经理人，伊卡迪3年前由国际米兰转投巴黎圣日耳门之後，一直长居後备，日前更被球会下逐客令，如果呢位阿根廷射手唔转会，就会将佢及安达靴里拉等几位副选球员，贬落B队，只能踢法国第5级别联赛。

虽然曼联表现差，但加盟红魔鬼，点都好过踢法国第5级别联赛，相信莫路伊卡迪应该愿意成「魔」，依家就睇双方能否就合约细节达成协议。