曼联回勇取得英超2连胜，但球星C朗斯人独憔悴，佢今场又系後备上阵，再次冇波入，呢位37岁葡萄牙国脚自2007/08年球季之後，近15年首次开季头4场联赛都食白果。

C朗上仗对利物浦，最後4分钟先至上阵，虽然佢今场有近半个钟表演，但一样冇料到，连1次射门都冇。

临完场前，C朗有1次反击好机会，但明显力有不逮，放弃自己突破射门，但交波又传得差，白白浪费1次攻门好机会，否则曼联唔止赢1球。

C朗对上1次开季头4场联赛食白果系2007/08年球季，当时都系效力曼联，但要留意该季佢之後大爆发，射入31个英超入球，成为神射手，今季能否重演好戏，大家拭目以待。