曼联球星C朗近17年首次连续3场屈居後备，加上安东尼马菲奥斯加盟之後，可能令呢位37岁老将上阵时间进一步减少。

不过，C朗并冇怨言，佢喺社交网上载操练相片，配上一句：「努力工作。」可见佢仍然充满斗心。

C朗唔止连续3场未能担任正选，而且上阵5场都冇波入，亦系佢近17年最长开季入球荒。加上曼联将於周日(4日)晚英超迎战榜首劲敌阿仙奴，C朗入球荒场数随时又增添多1场。

不过，「朗迷」们又唔使太灰心，因为C朗上季两次斗兵工厂，都取得入球，合共轰入3球，加上佢一向遇强愈强，可能喺今场大战打破入球荒都唔出奇。