欧联C组另一场由巴塞隆拿主场迎战捷克球队柏辛域陀尼亚。巴塞要同拜仁及国米争出线，今仗主场出击，面对同组牌面最弱嘅柏辛域陀尼亚，可谓不胜无归。最重要一点系今季欧洲赛程密到飞起，早啲奠定胜局，可以畀球员轮换抖一抖，预计巴塞半场就狂攻，捧1.5球半场大。（Now 645周四凌晨3时直播）

C组明显系国米、拜仁同巴塞争两个出线席位，虽然同分先计对赛成绩，之後先至计总得失球，但呢三队旗鼓相当，最後可能真系要计到总得失球分胜负，所以巴塞趁住两支强敌交锋，今仗斗呢组牌面最弱嘅柏辛域陀尼亚，梗系尽量争取大胜，务求喺得失球差占先机。

虽然渡边年对於巴塞隆拿喺夏天处理转会事宜观感麻麻，但不得不承认，球队状态同士气正喺上升轨道；罗拔利云度夫斯基迅速融入球队，除咗首战食白果，之後3场入5球，连同中间有场对曼城嘅筹款赛，巴塞近4场半场全开2球或以上，火力全开。

柏辛域陀尼亚系捷克班霸，连同欧联外围赛同附加赛34场不败，取得25胜9和，对上一场正式赛事输波系2021年11月。不过嚟到欧联分组赛又系另一个Level，柏辛域陀尼亚近5场欧联分组赛4次半场落後，防守力唔够班，今场未必顶得住巴塞猛攻，半场主胜赔率热得乏味，改玩1.5球半场大好过。