周日西甲焦点大战，皇家马德里主场斗马略卡。皇马联赛开季4战全胜，上仗欧联作客些路迪亦大胜而回，衞冕西甲及欧联两条战线都有好开始。不过佢哋攻力虽强，但上半场经常失波，近4场联赛3次半场开2球或以上，1.5球半场大属好路之选。（Now 632周日晚8时直播）

上季双料冠军皇马今季几乎以原班人脚衞冕，新签入嘅年轻中场曹亚文尼顺利接班，所以早前将卡斯米路放畀曼联。皇马喺欧超盃、西甲及欧联豪取6连胜，双箭头宾施马及云尼斯奥斯祖利亚喺西甲各累积攻入3球，比利时球星夏萨特上仗欧联亦「开斋」获得重生，进攻火力依然强大。

较为美中不足嘅系，皇马後防略嫌不稳，开季4场西甲均有失波，而且都系上半场失守，反映球队赛事初段唔多够集中，容易畀对手乘虚而入。

马略卡开季4仗1胜2和1负，成绩唔算突出，但其中两场作客就录得1胜1和，包括2比0击败华历简奴，近3场比赛球队亦能搵到入波，证明攻力有番咁上下，今晚作客班霸皇马，牌面梗系唔及对手，但想喺上半场偷鸡入波，未必如想像般困难，半场大有可取之处。