今晚意甲超早场，阿特兰大主场迎战克雷莫纳，一向有前冇後嘅阿特兰大今季改踢稳阵波，效果非常好，5场联赛取得4胜1和，有4场总入球系2球或以下。既然搵到食相信阿特兰大会照办煮碗，只求赢波不求大胜，一於博中位数3.5球嘅入球细。（Now 638周日晚6时30分直播）

阿特兰大上季仅排第8位，失去欧洲赛席位，教练加斯柏连尼下定决心改善防守，效果非常显着，开季5场联赛仅失两球。不过佢哋防守力提升嘅同时，难免影响进攻，上仗对住新升班球队蒙沙，要踢到下半场先入到波赢2比0，预料今场都系小胜格局。

克雷莫纳开季4连败後，上仗打和萨斯索罗0比0，总算及时「止血」。事实上球队相隔26年重返意甲，仲系交紧学费，主守博1分实际啲，作客遇上大勇嘅阿特兰大，克雷莫纳更加唔敢轻举妄动，捧入球细最划算。