艾宁夏兰特倒戈「蜜蜂兵团」前夕，大卖口乖话加盟曼城嘅最大目标，就系要称霸欧洲，更证实话佢用欧联主题曲做手机闹钟声嘅传闻，系真有其事。

夏兰特加盟「蓝月」後更上一层楼，7场赛事狂轰12球，佢今仗赛前表示：「我想进步、我想胜利同埋赢取锦标，我真系好锺意欧联呢项赛事，所有人都知道赢欧联系我嘅毕生梦想。领队哥迪奥拿同我一样都系足球怪胎，我哋个脑只系得足球，呢个系我咁锺意佢嘅原因。」

坊间一直有传夏兰特用欧联主题曲做手机闹钟铃声，呢位射手亲口承认：「我每朝早都系听住欧联主题曲起身，呢个系我最爱嘅赛事，呢件事系真嘅。」夏兰特职业生涯为萨尔斯堡、多蒙特同曼城踢过20场欧联，合共轰入25球，呢项数据冠绝欧联，果然系佢「最爱赛事」。