今晚欧国联A2组尾轮，爆发伊比利亚半岛打吡，由葡萄牙主场火并西班牙。葡萄牙王牌C朗状态麻麻，「狂牛」箭头艾华路莫拉达亦脚风欠顺，加上近年碰头法定时间经常和气收场，不妨直取和波。（周三凌晨2时45分开赛）

虽然葡萄牙喺A2组反超前西班牙2分，升上榜首，但双方争逐首名意欲一般，备战世盃先系最紧要，因此唔排除继续试阵。葡萄牙王牌C朗今季喺曼联沦为後备，近期只在欧霸担正及藉12码开斋，难免影响信心，喺上轮欧国联作客大胜捷克4比0，C朗唔单止食白果兼撞伤鼻致血流披面，回防助守仲愈帮愈忙犯手球，搞到被罚12码，好彩对方射失，反映C朗明显状态不足，数胡能力打折扣。

西班牙仍倚重箭头艾华路莫拉达攻坚，不过佢近7次为马体会披甲入得1粒，就算喺「狂牛」亦连续3仗食白果，上轮主场对瑞士佢仲全场坐冷板，最终以1比2落败失掉榜首，亦系西班牙4年来首度主场输波，而呢仗改用沙拉比亚、费伦托利斯及马高阿辛斯奥等翼锋攻坚，效果差强人意，加上佢哋今季喺球会已非必然正选，状态点都差啲。翻查纪录，双方於各项赛事近5次对垒，法定时间全部打和，可见非常旺和波，和波值得再追，稳阵啲可拣受让嘅西班牙让球客胜。盘口分析