比利时中场夏萨特爆出疑似偷食丑闻，近日网上流出一段佢喺国际赛期间夜蒲影片，呢位已婚并有4个仔女嘅皇家马德里球星，喺夜店内同数名衣着性感嘅女士跳辣身舞，引嚟球迷猛烈批评。

夏萨特喺国际赛期间，以队长身份带领比利时对威尔斯同荷兰，拎到1胜1负成绩，而佢嘅演出亦唔理想，今次呢段喺比利时夜蒲嘅影片，据报系喺国家队比赛之前，就更令球迷质疑佢嘅专业操守。

不过更爆嘅系，夏萨特喺片段中同几名女子有亲密动作，更曾举起杯酒喺紧贴一位女士嘅背脊大跳辣身舞，而女子并唔系佢老婆Natacha。消息指Natacha喺夏萨特返国家队期间，一直留喺马德里照顾4位子女。