英超周日焦点大战「曼市打吡」嘅球证人选公布，奥利华「再」次被委以重任，今场将会系佢第7次执法「曼市打吡」，当中包括上季两循环对碰。不过曼联球迷应该唔系太想见到佢，事关奥利华之前6次主吹「曼市打吡」，曼联输足5场！

现年37岁嘅奥利华被视为英超最佳球证之一，早喺2014年已经首度执法「曼市打吡」，过去6次主吹呢个戏码，曼城有5胜1负佳绩，呢6仗当中佢只系出示过1面红牌，就系赶曼联中坚基斯史摩宁出场。

奥利华历来执法过48场曼城赛事，「蓝月亮」赢当中36场，胜率高达75%：相当曼联喺奥利华执法嘅比赛，胜率只有38%。