今晚欧霸盃A组赛事，4战全胜嘅「一哥」阿仙奴作客次名燕豪芬。「兵工厂」已锁定前2名位置，今仗只要有分落袋即可确保首名出线，在兵疲下预料会以守为先；燕豪芬出线资格仍未稳阵，今场唔敢轻举妄动，2.5球嘅细盘有分头咪错过。（Now 643周五凌晨零时45分直播）

阿仙奴今届出战欧霸盃都以半力出击，加比尔捷西斯、加比尔马天尼利、布卡约沙卡等进攻球员轮流休息，进攻组织明显唔及踢英超嗰阵咁锐利，而且喺连场硬仗下，体能消耗极大，近期比赛经常出现跌Watt情况。阿仙奴近4仗有3场都系「煲鱼生粥」赢1比0，包括近两轮欧霸赢波杜基林特及燕豪芬，而呢4场总入球全开2球或以下。

上仗英超被修咸顿逼和1比1嘅阿仙奴，各项赛事8连胜断缆，兵疲问题必须正视，既然今场只要攞1分就可确保首名，大踢稳阵波亦无可厚非。

另一边厢，燕豪芬目前只领先第3名嘅波杜基林特3分，今场再输嘅话，最後一轮作客波杜基林特就相当危险。睇番燕豪芬近4次欧洲赛主场出击，亦有3场总入球开2球或以下，今场中位数2.5球细盘有逾2倍，更加值博。