今轮西甲压轴上演护级大战，包尾嘅艾尔切主场对基达菲。艾尔切系西甲进行咗11轮後，唯一一支仲未赢过波嘅球队；基达菲亦唔系叻仔，近5场一样未尝一胜，今场正宗「海军斗水兵」，和波各取1分对大家都系理想赛果，现时和波个赔率亦低过3倍，摆明有计，一於直取和波。（Now 632周二凌晨4时直播）

艾尔切无可否认系差，不过佢哋近期表现已经有改善，近4场和咗3次，对手包括马略卡、华伦西亚及爱斯宾奴，而且呢3场和波全部都有波入，唔系死守博0比0嗰只，球队心态明显唔系等死，今晚遇上同级对手，球员自然识做，起码拎到分先收货。

基达菲目前排16位，同样要抢分护级，佢哋近5场3和2负相当低迷，不过近3场对华历简奴、毕尔包及切尔达，都同对手不分胜负，叫做有啲起色，最惨系上场斗切尔达，去到89分钟先畀对手追和，相信今场作客唔会太过冒进，和波各取1分对大家都冇坏，2.8倍和波谂得过。