今晚欧联H组尾轮赛事，祖云达斯主场迎战巴黎圣日耳门（PSG），虽然PSG已顺利出线，但佢哋同次席宾菲加同分，得失球比对方多4球，今仗赢波先确保首名出线席位，避免喺16强与一线劲旅碰头，因此未必放软手脚，佢哋踢法抢缰，对住祖云达斯条豆腐防线，半场大博得过。（Now 643周四凌晨4时直播）

PSG上轮欧联提前出线後，返到联赛中後场主力轮换，前锋三叉戟尼马、美斯、基利安麦巴比悉数上阵，结果3大巨星齐齐入波，4比3险胜特鲁瓦，佢哋3个虽然传闻有心病不和，但喺场上表现确实超班，尼马除咗交出1入球1助攻，仲有一次「自转交波」畀麦巴比单刀，呢条锋线今场返到欧联赛场，入波话咁易，球迷等睇好戏。

祖云达斯已提前出局，但都要同榜末海法马卡比争夺欧霸盃资格，所以今场会积极进攻，不过佢哋近况低迷，特别系防守奇差，欧联5仗共失11球，近两仗欧联全败兼半场落後，就算有主场之利，相信都挡唔住强敌来犯，加上PSG近5仗欧联4次半场开2球或以上，半场大好路。