同样系英联盃第3圈英超内讧，诺定咸森林主场火并热刺。热刺多线作战疲於奔命，今仗未必夫添出击，森林主场出击经常打破僵局，不妨捧佢哋「第一队入球」。（有线664及604台周四凌晨3时45分直播）

热刺饱受伤兵困扰，孙兴民、李察利臣等前锋仍因伤倦勤，对进攻有一定影响。而且联赛同欧联极度频密嘅赛程，令佢哋疲态毕露，往往於比赛初段希望想拖慢节奏回回气，反而畀对手抢到主动权，导致後防受压，各项赛事近6仗都先失波，其中5仗喺上半场已经失守落後，下场联赛又要对住回勇嘅列斯联，梗系重要过今仗，随时收起部分主力。

森林状态略见起色，近6仗获1胜3和2负，已经唔系季初任人鱼肉嗰队弱旅，佢哋喺主场特别抢缰，近5次主场录得1胜2和2负，全部都先开纪录，其中4次喺上半场已打破僵局，可见森林主场比赛喺初段分外醒神，面对疲兵热刺，一於捧森林「第一队入球」。