今季英超只系进行咗大约三分一赛程，赛会已经急不及待宣布下季英超将於2023年8月12日开锣，踢到2024年5月19日收咧，并於2024年1月设有歇冬期，畀球员抖一抖。

由於受疫情及世界盃改为「冬战」影响，近3季英超赛程乱晒，但赛会相信下季可以复常，率先公布开锣及收咧日子，同时落实2024年1月13日至20日为歇冬时间，畀球员踢咗半季之後，有时间休息及调整状态。

英超赛会仲有另一项德政，就系答应下季开始，圣诞新年快车期间，唔会再出现有球队需於48小时内踢2场比赛嘅情况，各位领队同球员可以放下心头大石。